News

Kauna-unahang Pinoy-made hybrid electric train babiyahe na simula May 6

Thursday, April 25, 2019 12:00 AM    Views : 413by:Rhommel Balasbas

alt

DOST photo

Inanunsyo ng Department of Science and Technology (DOST) ang tuluyang pagbiyahe ng kauna-unahang Filipino-made hybrid electric train (HET) simula sa May 6.

Kahapon, isinagawa ang inaugural run ng nasabing tren na mismong dinesenyo at ginawa ng DOST engineers at local fabricators.

Ipinasilip at ipinaranas sa media at ilang mamamayan ang biyahe ng hybrid train na tumakbo mula Alabang Station ng Philippine National Railways (PNR) hanggang Biņan Station.

Ang Alabang-Biņan route ang magiging biyahe ng tren mula sa May 6 at libre ang pagsakay dito sa unang 19 na araw.

Ayon sa DOST, kukumpletuhin na lang ng hybrid train ang 150 hours na run time bilang bahagi ng turnover process.

Tiniyak ng kagawaran na komportable ang pagsakay sa tren dahil sa malamig nitong airconditioning units, may CCTV system, LED TV sets at automatic sliding doors.

Source: https://radyo.inquirer.net/176203/kauna-unahang-pinoy-made-hybrid-electric-train-babiyahe-na-simula-may-6

S & T Trivia

" Edward Sanchez, a Mensan, bagged the grand prize in the first Philippine Search for Product Excellence in Information Technology. "

Online Resources
© copyright 2012 www.science.ph. All rights reserved.

Login