News

Cebuano News: DOST, magpatuman og programa nga makatabang sa mga SMEs sa nasud

Wednesday, July 03, 2019 05:58 AM    Views : 571by:Elvira Bongosia

TAGBILARAN CITY, June 28 (PIA)--Giduso karon sa Department of Science and Technology (DOST) ang programang Collaborative Research and Development to Leverage Philippine Economy (CRADLE) aron matabangan ang mga small and medium enterprise (SME) sa nasud.

Kauban usab niining programa ang mga unibersidad, research ug development institute (RDI).

Pinaagi sa CRADLE program, mas mapalig-on ang gasa sa pagsiksik ug pagpalambo sa mga academic institutions, RDIs ug SMEs.

Kauban usab sa programa ang paghatag sa DOST og financial support sa mga SME.

Sa pagkakaron, may 18 ka SMEs nga mahatagan og benepisyo sa maong programa sama nalang sa Batangas Egg Producers Cooperative, Carolina Bamboo Garden, Hijo Corporation,  Monde Nissin Corporation ug uban pa.

Ang mga unibersidad usab nga kauban niini mao ang University of the Philippines, University of the Philippines-Los Baños, University of Mindanao ug University of Southeastern Philippines.

Bukas usab ang programang CRADLE sa DOST sa Business Innovation through Science and Technology (BIST) program.

Kalabot niini, gi-awhag sa DOST ang mga interesado sa maong programa sa pagduso kanila og proposal hangtod sa Hulyo 16, 2019.

Mokabat sa P5 milyon ang igahing pondo sa maong programa matag tuig sulod sa mosunod nga tulo ka tuig. (ecb/PIA7-Bohol)

Source: https://pia.gov.ph/news/articles/1023885

S & T Trivia

" The University of the Philippines developed an anti-cough medicine (Ascof) and a diuretic (Releaf) from Philippine herbs lagundi and sambong, respectively, which won a silver in the 1997 International Inventors' Fair in Switzerland. The research papers were organized by Dr. Francis Gomez. "

Online Resources
© copyright 2012 www.science.ph. All rights reserved.

Login